𝐌𝐀𝐊𝐀𝐓𝐈 𝐂𝐎𝐔𝐑𝐓 𝐍𝐀𝐆𝐏𝐀𝐆𝐀𝐖𝐀𝐒 𝐎𝐆 𝐖𝐀𝐑𝐑𝐀𝐍𝐓 𝐎𝐅 𝐀𝐑𝐑𝐄𝐒𝐓 𝐁𝐀𝐓𝐎𝐊 𝐊𝐀𝐍𝐆 𝐀𝐓𝐓𝐘. 𝐋𝐄𝐕𝐈 𝐁𝐀𝐋𝐈𝐆𝐎𝐃

Nagpagawas og warrant of arrestang Regional Trial Court Branch 148 sa Makati City batok sa abogado nga si Atty. Levi Baligod kalabot sa iyang giatubang nga kasong cyberlibel.

Sumala sa mando sa korte, ang reklamo may kalabotan sa giingong paglapas sa Section 4(c)(4) sa Cybercrime Prevention Act of 2012.
Alang sa iyang temporaryong kagawasan, gitakda sa korte ang ₱20,000 nga piyansa matag usa ka kaso, o ₱40,000 ang kinatibuk-ang piyansa alang sa duha (2) ka counts sa cyberlibel.

Ang pagpagawas sa warrant of arrest dili pa nagpasabot nga napamatud-an ang sala sa akusado. Ang kaso padayon pang pagadunggon sa korte, ug ang akusado adunay katungod sa presumption of innocence hangtod mapamatud-an ang sala pinaagi sa pinal nga hukom.