ROMUALDEZ, IPINAARESTO NA SA P7.4 BILYONG PLUNDER CASE

Nagpagawas na og arrest warrant ang Sandiganbayan 3rd Division batok kang Former House Speaker ug Leyte Rep. Martin Romualdez karong Lunes, Septiyembre 7, na may kalabotan sa ₱7.4-bilyong plunder case nga gisang-at sa Office of the Ombudsman tungod sa giingong anomalya sa flood control projects.

Lakip sa mga co-accused ni Romualdez si kanhing Ako Bicol Rep. Zaldy Co, uban nila Joselyn Tragua Serenio ug Felicito Cristobal Guevarra.

Matod sa Sandiganbayan, nakit-an niini ang probable cause human susihon ang resolusyon sa Ombudsman, mga supporting documents ug uban pang records sa kaso. Wala usab girekomendar ang piyansa sa arrest warrant.

Gipasaka ang kaso human giakusahan sa Ombudsman si Romualdez ug ang iyang mga kauban sa giingong pagkamalapasan sa balaod ug pagkuha sa bilyon-bilyong kickback nga nalambigit sa mga proyekto sa gobyerno. Gipanghimakak ni Romualdez ang mga alegasyon ug miingon ang iyang kampo nga atubangon niya ang kaso subay sa hustong proseso sa balaod.