VLOGGER NGA SI “FRANCIS LEO MARCOS,” GIARESTO PAG-USAB SA PARAÑAQUE.

10/5/2026 GIARESTO pag-usab ang vlogger nga si Norman Mangusin, nga mas nailhan isip “Francis Leo Marcos,” sa usa ka hotel sa Parañaque City.

Gikumpirma ni NAPOLCOM Commissioner Rafael Calinisan ang pagkadakop kang Mangusin may kalabotan sa tulo ka counts sa cyberlibel.

Gipahigayon ang pag-aresto sa Criminal Investigation and Detection Group (CIDG), sa koordinasyon sa NAPOLCOM.

Matud pa sa mga report, dili kini ang unang higayon nga napriso si Mangusin. Niadtong Pebrero, napriso usab siya tungod sa kaso nga unjust vexation, apan temporaryo siyang nakagawas human makapagpiyansa.

Padayon pang gisubay ang dugang detalye sa kaso ug sa sunod nga legal nga lakang batok kang Mangusin.